झरेको दिन

मेरो निश्चल चोखो सिउदो पराइले भरेको दिन |

तिम्रो हातको सिन्दुर लाउने आशाको फूल झरेको दिन ||

कोहि छैन रोइदिने मेरो लागि यो धर्तिमा,

सम्झी सम्झी रुदैछु म आफु स्वयं मरेको दिन |

तिम्रो हातको सिन्दुर लाउने आशाको फूल झरेको दिन ||

संगै बाच्ने संगै मर्ने बाचा कसम ब्यर्थ भए,

बिर्सिदिन करै लाग्यो संगै बाचा गरेको दिन |

तिम्रो हातको सिन्दुर लाउने आशाको फूल झरेको दिन ||

तिमि थियौ म नि थिए साँझमा पानि पर्दै थियो,

फर्की आउने छैन अब त्यस्तो झरी परेको दिन |

तिम्रो हातको सिन्दुर लाउने आशाको फूल झरेको दिन ||

मैले हिड्ने बाटोभरी कोमल मुटु बिछ्याएथ्यौ,

जिन्दगीभर बिर्सन्न म बाटोमा फूल छरेको दिन |

तिम्रो हातको सिन्दुर लाउने आशाको फूल झरेको दिन ||

संगै थियौ तिमि र म एक-अर्काको मुटुभित्र,

आँखाभरी आँशु थियो एक्लै डेरा सरेको दिन |

तिम्रो हातको सिन्दुर लाउने आशाको फूल झरेको दिन ||

तिम्ले मेरो मुटु लियौ एक्ली भाछे यो "अदना",

याद आउछ अझै पनि संगै खोला तरेको दिन |

तिम्रो हातको सिन्दुर लाउने आशाको फूल झरेको दिन ||

साथमै थिइन सिता पनि रामबाट छुटाउन, 

लंका बाट राबण आइ सीताजीलाई हारेको दिन |

मेरो निश्चल चोखो सिउदो पराइले भरेको दिन |

तिम्रो हातको सिन्दुर लाउने आशाको फूल झरेको दिन ||